اسكريبت كامل بقلم الكاتبه هند إيهاب ( عريس من بلد أخري ) ٣

واحده ليه دخلت حياتي من الأول
حاوط وشي بكفوف أيديه وقال
ممكن تهدي أنا مفيش حد في حياتي غيرك سمعاني مفيش حد في حياتي غيرك يا هند
دموعي نزلت ولقيته مسح دموعي بحنيه وقال
أوعي ټعيطي دموعك غاليه علي بس عايز أشوف الرقم عشان لو اللي في دماغي طلع صح مش هيحصل خير أبدا
بصيت له پخوف وأنا شايفه العصبيه اللي في عينيه وقولت
تميم أنت هتعمل أيه
حاول يتمالك أعصابه قدامي بأبتسامه وقال
ولا حاجه بس حابب أعرف مين الحب دي
طلعت تليفوني من الشنطه ومديتله أيدي فتح تليفونه وأكتشف أنه مسجل الرقم وقال
كما توقعت
بزهول قولت
هي دي خلود السكرتيره
هوصلك وهرجع الشركه
قفل الباب ولف عشان يركب وقولت پخوف
تميم مش عايزه مشاكل خلاص عادي أدينا عرفنا دي واحده وحاولت توقع ما بينا ملهوش لازمه اللي عايز تعمله
واحده كانت السبب أن دموعك تنزل عايزاني أعرف تبقا مين وأقعد ساكت
هي مش هتقدر تعمل حاجه
خبط أيديه بعصبيه في الدركسيون وقال بزعيق وعصبيه
دي واحده بتهددك عارفه يعني أيه بتهددك
پخوف مسكت أيديه وقولت
تميم ممكن تهدا أنت بتخوفني بعصبيتك دي
بص ناحية الشباك وطلعت منه تنهيده ومسك أيدي وقال
أنا أسف أني خوفتك
ابتسمت وقولت
ممكن متعملش حاجه
مردش وقولت
هو أنت كنت متوقع تطلع هي ليه
كان بيبص لي وبيبص علي الطريق كأنه متردد يقول وقال
عشان حاولت تتقرب لي دايما
ربعت أيدي وقولت
ولما هي حاولت مبعدتهاش عنك ليه من الأول
كنت بكتفي بأني بصدها وكان دايما في دماغي أني بلاش أقطع عيشها بس المره دي هي السبب في اللي هيتعمل
فضلت قاعده ساكته لحد موصلني العماره مشي
عاي طول كنت شايفه سرعته بالعربيه وكأنه عايز يوصل في دقايق كان قلبي بيوجعني من الخۏف عليه طلعت وفضلت رايحه جايه في البيت كنت بحاول أتواصل معاه بس مكنش بيرد وده اللي كان قلقني أكتر سمعت صوت مسدچ جاتلي جريت علي التليفون كانت منه
أنا في الشركه لسه واصل حبيت أعرفك عشان عارف أنك قلقانه هتصل بيكي لما أخلص
محبتش أتصل وأمنعه كان هيعمل برضو اللي في دماغه أكتفيت بأني شوفت المسدچ واتطمنت
بس حضرتك أنا معملتش حاجه
أنت واحده غبيه يا خلود واحده غبيه غبائك عماكي رايحه تكلمي خطيبتي وتهدديها ومن غير حتي متغيري الرقم شوفتي غبائك وقعك أزاي
بدأت تتوتر وقالت
بس أنا مهددتهاش
هشش مش عايز أسمع صوتك تاخدي حسابك وبرا
ضحكت ضحكه مايصه وقالت
مبقتش تابعك يا أستاذ تميم عشان تطرودني أنا تبع الأستاذ هيثم وهو اللي يقرر
ضحك بصوت عالي وكأنه بيستفزها وقال
هو أنا مقولتلكيش مش أنا أتكلمت مع هيثم ووافق بأنك تمشي لأنك واحده مش أمينه وبتخربي علاقات ناس والله أعلم لو فضلتي هنا هتعملي أيه تاني
اتكلمت پخوف وعيطت وقالت
أنا اسفه والله مقصدش حضرتك عارف أني محتاجه الشغل ده
بص لها من فوق لتحت وقال
برا بدل مطلبلك الأمن
بصت پخوف وطلعت جريت علي تليفوني لما لقيته بيرن مسكته ورديت علي طول لما شوفت أسمه
تميم حصل أيه عملت أيه طمني
ابتسم وقال
وحشتيني
ابتسمت وقولت
وأنت كمان وحشتني
بزهول قال
بجد يا هند بوحشك
آه بجد بس قولي طيب أنا قاعده قلقانه
قلقانه علي
ضحكت وقولت
يا تميم بقا
ضحك وقال
خلاص خلاص
اتنهد وكمل
طردتها من الشغل
أزاي 
أتكلمت مع هيثم اللي نقلتها عنده وكده وشرحت له الموضوع وهو وافق علي القرار اللي يخليها تعمل حاجه زي كده ممكن تعمل حاجات تانيه كتير
حطيت أيدي علي قلبي في محاولة أني أهدا وقولت
يعني مشت خلاص كده من غير أي مشاكل صح
مشاكل!! هي هيبقا ليها عين تعمل مشكله تحمد ربنا أني طردتها بس
بعفويه قولت
حبيبي العصبي
بلهفه قال
أيه قولتي أيه
عضيت علي شفايفي لما أدركت اللي قولته
وبسرعه قولت
أنا هقفل دلوقتي عشان ماما بتنادي علي
صوت ضحكته علت وقال
ماشي يا ست هند ماشي
عريس من بلد آخري_الجزء السابع والأخير
قفلت معاه وحضنت التليفون حسيت أني فراشه محتاجه تطير دخلت المطبخ وحضرت مج نيسكافيه كبير دخلت الأوضه ولقيت مسدج أجالي منه
مع أني عارف أن محدش ندهلك بس عايزك في موضوع مهم جهزي نفسك عشان هاجي أخطفك
ضحكت وقومت قدام الدولاب كنت محتاره ألبس أيه لبست بنطلون قماش واسع ومريح وجاكت لبست الكوتشي ولقيت الجرس بيرن كان هو سلم علي بابا وماما ومسك أيدي وخدني
هنروح فين
سبيلي نفسك خالص
ركبت العربيه وركب ومشينا نزل عند كافيه وجاب أتنين ميلك شيك وركب وروحنا عند مكان هادي علي طريق الممشي كانت الناس بعيده تماما عننا شغل الكاست ونزل وفتح باب العربيه من ناحيتي ولقيته بيمدلي أيديه وأشتغلت الأغنيه
صاحبة الصون والعفاف أحلي واحده في البنات اللي عمري ما قلبي شاف زيها في المخلوقات تسمحيلي برقصه هاديه تسمحيلي بقربي منك 
ضحكت وأنا ماسكه أيديه وحاطه أيدي التانيه علي كتفه وبدأنا نرقص سلو
بدأ يغني مع كوبليه ويقول
يا حبيبتي أنت نوري أنت أحساسي بحياتي أنت مالكة من شعوري كل ماضي وكل أتي
كنت بدمع من الفرحه وأنا برقص معاه وقام لفني علي كوبليه
يا خلاصة الجمال يا نشيد العاشقين يا اجابة عن
سؤال كان شاغلني من سنين كام سؤال عن مين حبيبتي مين هتبقي اساس حكايتي والإجابة كانت أنت أنت كنتي غايبه فين 
خلصت الأغنيه وحاوط وشي بأيديه الأتنين وقال
بحبك
ضحكت وحطيت أيدي علي أيديه اللي حاطتها علي وشي وقولت
وأنا كمان
ابتسم بحنيه وقال
وأنت كمان أيه
وأنا كمان بحبك
تمت..