رواية وقعت فى مجنونه بقلم ايه طارق الفصل الاول والثانى والثالث
كنت هبعت حسين يدور عليكى
هاجر وهى بتقعد على أقرب كرسى لقيته حوار كبير يا توحة حصل وفرهدنى أخر فرهدة
الحجة فتحية حوار ايه ما انتى حواراتك كتيرة
هاجر انتى تعرفى عنى كده
الحجة توحة وهى بتبصلها نظرة الشك بتاعة الأمهات دى بت انتى اخلصى احكيلى وقوليلى كنتى فين واتأخرتى كده
هاجر وهي بتفرك فى ايديها كنت فى مركز الشرطة
اتفتح باب الشقة بسرعة ودخل راجل ملامحه تدى على أواخر الأربعينات فى ايه يا فتحية ايه اللى حصل
هاجر فضلت تبصلها انها متقولوش
الحجة فتحية تعالى شوف اللى مش هترجع غير وهيا مودية نفسها فى داهية و شلانى جنبها
بص عم حسين لهاجر اللى قاعدة وحاطه وشها فى الأرض عملتى ايه المرة دى يا مغلبانى
حسين ما بينش
هاجر اقعد بس كده وخد نفسك على ما اعملك كوباية شاى
الحجة فتحية مسكتها من هدومها وقعدتها اقعدى يا بت وانجزى قوليلى ايه اللى حصل
كانت بتبصلهم ولقت إن مفيش مهرب وحكت لهم على اللى حصل كله عدا إن زين اتهمها بإنها جابته عشان تاخد فلوس
حسين بعصبية ازاى ده كله يحصل ومترنيش عليا اجيلك يا هاجر وفوق كل ده خارجة بليل من غير ما تعرفينى انا مش عشان سمحتلك تقعدى فى شقتكم وتنزلى تشتغلى انك كده تعملى اللى عوزاه للدرجة دى معدتيش معتبرانى أبوكى ولا عاد ليا كلمة
وقف عم حسين پغضب لا مستاهل لما تنزلى لوحدك وتدخلى القسم لوحدك مستاهلة الا لو كنت معدش ليا لازمة ولا كلمة عليكى
وقفت هاجر ومسكت ايده وبكاها زاد متقولش الكلام ده ارجوك حقك عليا ده انت كل حاجة ليا انت وماما متزعلش منى انا أسفة إنى عملت كده واتصرفت من غير ما ارجعلك
بعد حسين ايدها و سابهم ونزل
فتحية بحزن وطبطبة عليها خلاص يا حبيبتى هوا شوية وهيهدى وكلميه تانى
هاجر زعل منى يا ماما اول مرة يزعل منى وميكلمنيش
فتحية ما انتى عارفة أنه لما بيكون متعصب محدش بيعرف يكلمه هوا اضايق إنك اتصرفتى كأنه مش موجود
هاجر پبكاء أنا عارفه إنى غلطت انى عملت كده وروحت هناك من غير ما اعرف حد منكم بس مجاش فبالى إن كل ده هيحصل وأنه هيزعل منى كده
هاجر عليه افضل الصلاه والسلام
فتحية قومى كده غيرى هدومك و اغسلى وشك واعملى حسابك انك هتباتى هنا انهارده
قامت هاجر وقفت حاضر
وراحت ناحية باب الشقة عشان تخرج و اتعجبت فتحية انتى راحة فين يا بت ما هدومك وحاجتك فى الأوضة بتاعتك جوه
هاجر هجيب سيد يا ماما بدل ماهو لوحده
فتحية يادى سيد اللى طالعلى فى البخت انا مش عارفة عقلك كان فين وانتى بتجيبى البتاع ده
هاجر من على الباب توحااااااا
فتحية انتى مش هتبطلى صوتك اللى فاضحنه فى المنطقة ده
هاجر بضحك خلى سيد معاكى على ما أنزل أجيبله جبنة رومى وأجى
فتحية وهى بتقلب كفوفها على بعضها بحسره اللطف من عندك يارب
هاجر خلى بالك منه بقه أنا مش هطول
جرت هاجر قبل ما فتحية تعترض وتقول حاجة ونزلت تحت لمحت عم حسين قاعد على كرسى جنب السوبر ماركت المفتوح فى عمارتهم و راحت وقفت جنبه حقك عليا أنا
