اسكريبت كامل بقلم الكاتبه هند إيهاب ( عريس من بلد أخري ) ٣
انت في الصفحة 1 من 6 صفحات
عريس من بلد آخري_الجزء الأول
پصدمه قولت
يعني أيه جايبنلي خاطبه!!
يا بنتي هي جايه تعرض علينا وقالت أن أنت أولى
بزعيق قولت
يعني أيه أولى حد قالها أني عانس ومش لاقيه حد يعبرني
بابا دخل بعصبيه وقال
أنت أزاي تعلي صوتك بالطريقه دي
مهو يعني أيه خاطبه تيجي تعرض علينا عريس لا وماشاء الله ياريته من هنا لاء ده بعيد
وأيه المشكله هيجي وتتعرفوا علي بعض
وليه يجي المشوار ده كله ما نفتح Video call ونتعرف
بابا بزعيق قال
هي كلمه واحده الست أجت وجابتلك عريس هيجي وتقعدي معاه
بس أنا عايزه أكمل دراستي
مفيش مشكله ده مجرد تعارف وممكن تتخطبوا لحد ما تخلصي كليتك وبعد كده تتجوزوا وتسافري معاه
أسافر معاه!!
يعني حتي هتبعدوني عنكوا
البنت مكانها جمب جوزها مطرح ما يروح
هو أنتوا للدرجه دي بتبيعوني
فجأه لقيت قلم نزل علي وشي من بابا وهو بيقول
أنت قليلة الأدب أدخلي جوه
وقال لماما
كلمي الخاطبه من بكره هتقعد مع العريس
بزعيق كمل
أنت سامعه من بكره هتقعدي معاه
دخلت الأوضه بعصبيه وقفلت الباب وبقيت برمي في كل حاجه حوالي فضلت أضرب نفسي وأشد في شعري من العصبيه والعياط
ومن بين عصبيتي ودموعي قولت
فضلت طول اليوم قافله علي نفسي بعيط علي حالي فجأه صحيت لقيت نفسي نايمه علي الأرض قومت بتعب فجأه دموعي نزلت تاني
الباب خبط ولقيت ماما بتقول
أفتحي يا هند
اتنهدت وفتحت الباب وسيبتها وروحت قعدت علي السرير وقالت
أيه اللي أنت عملاه في الأوضه ده ومالك عامله كده ليه في نفسك
بسخريه قولت
هند أحنا بتقولك أتعرفوا علي بعض وأبوكي قالك مفيش جواز غير لما تخلصي كليتك يعني ٣ سنين عايزه أيه أكتر من كده
قومت وقفت وقولت
صح هعوز أيه أكتر من كده أيه السعاده دي كلها هو أنتوا فاهمين بتقولوا أيه واحد من بلد تانيه يعني حتي أنتوا كمان متعرفهوش بدأت أحس أني مش بنتكوا فعلا وأن كلام مني صح
مالها مني!!
هند كلمه تاني وأنا اللي هلطشك بالقلم مش أبوكي ويلا جهزي نفسك عشان العريس جاي
دخلت الحمام بعصبيه وبقيت أمسك رقبتي من الخنقه بقيت أغسل وشي بعصبيه وقومت قعدت في الأرض وبقيت أعيط
سمعت صوت الباب وصوت بابا بيظهر
هي لسه نايمه
لاء دخلت الحمام
قومت وقفت وفتحت الباب وكنت هدخل الأوضه بس بابا وقفني وقال
بصيت له وقال
جهزي نفسك كويس وحطي حاجه علي وشك تخفي اللي في وشك ده
شاورت علي وشي وقولت
وهو مين السبب في ده
أنت لو مكنتيش أتكلمتي بالطريقه دي مكنش هيحصل كل ده يلا أجهزي بسرعه عشان هو علي وصول
دخلت وبعد شويه لقيت ماما داخله وبزهول قالت
أنت لسه ملبستيش شكلك عايزه أبوكي يديكي علقھ
راحت ناحية الدولاب وطلعتلي دريس أزرق وقالت
يلا ألبسي بسرعه
سابتني وطلعت من الأوضه فضلت أبص للدريس واتنهدت وقومت لبست الدريس والطرحه والهيلز حطيت حاجات بسيطه في وشي تخفي أثر القلم اللي أخدته سمعت صوت دوشه برا فعرفت أنه أجا
أتكلمت بسخريه وقولت
عريس الغفله
ماما دخلت وأنا بحط آخر حاجه في وشي وقالت
ماشاء الله زي القمر
بصيت لها ورجعت أبص في المرآيا أجت وقالت
هند يا حبيبتي مينفعش تفضلي مكشره وأحنا بنعمل لمصلحتك
أيه المصلحه في كده أنتوا حتي مأخدتوش رأيي كأن رأيي ملهوش
لازم هو أحنا عايشين فين!!
تاني هتغلطي تاني يلا تعالي المطبخ عشان تشيلي الصينيه
مشيت معاها بهدوء ومسكت الصينيه ودخلت وأنا بصه في الأرض حطيت الصينيه وكنت هدخل بس لقيت بابا بيوقفني
تعالي يا هند أقعدي
قعدت ولقيت بابا بيقول
هيسيبكوا تتعرفوا علي بعض
