حماتي خربت حياتي بقلم شهد محمد موسي

بقي حته مفعوصة زي دي تخليك تأجرلها شقة بره هي فاكرة نفسها مينوكانت بتشاور عليا بإحتقار
يوسف إتنرفز ودي أول مره يعلي صوته عليها ماما ياريت تتكلمي معاها بأسلوب أحسن من كدة هي معملتلكيش حاجة وحشة لكل الكره ده أنا عايز أفهم إنت بتكرهيها كده ليه مش عجباكي في إي شايلاكي علي كفوف الراحة بتعملك كل حاجة ليه يا أمي بتظلميها كده وبتظلميني معاها وعلي فكرة مش هي إللي قالتلي هات شقة أنا إللي عملت كده عشان أتجنب المشاكل والخناق إللي كل شوية بتعمليها معاها قرب منها ومسك إيدها وكمل أرجوكي يا أمي أنا بحبها وراحتي معاها بلاش الكره ده كله عشان خاطر إبنك وقلبه
دموعها نزلت وإتكلمت پصدمة إنت بتزعقلي يا يوسف عشانها للدرجادي سيطرت علي مخك وطلعتني أنا الۏحشة طالما أنا وحشة أوي كدة وهي الملاك كملت بجمود قدامك أختيارين دلوقت يا أنا وتطلقها دلوقت يا تختارها هي وتاخدها وتمشي من هنا وتنسي إنه ليك أم أصلا 
شوفت دموع يوسف بتنزل قدامي حقيقي كنت عايزة الأرض تنشق وتبلعني يوسف بيبكي قدامي معقوله دموعه كانت بتقطع قلبي زي السكاكين فضل واقف پصدمة وذهول مش عارف يعمل إي ولا يقول إي أخر حاجة كان يتوقعها إنه أمه تخيره بينها وبيني دموعه بتنزل وحاول يتكلمإنت بتقولي إي..
تحيه بجمود بقول إللي سمعته يا إبن بطني وإنت وإختيارك بقي ومتحاولش معايا بأي شكل لاني مش هتنازل يا أنا يا هي واختيارك دلوقت 
بيبص عليا شوية وعليها شوية بس أنا خلاص شوفت إختيار يوسف في عنيه إبتسمت بسخرية يا للقدر الغريب د في لحظة بيخلينا قراب وفي لحظة بيخلينا أغراب 
لقيته بيقرب مني وبياخدني في حضنه جامد بادلته الحضن بنفس الحرارة واللهفة لإني عارفة إني هتحرم من الحضن د خلاص 
تحية وقفت مصډومة لما لقيت إبنها بيحضني هاه إفتكرته إختارني المغفلة مقدرتش تفهم إبنها متعرفش إنه بيودعني لأخر مره وأخيرا نزلت الكلمة علي ودني زي الصاعقة
أنا أسف بجد أسف أوي أنا بحبك فوق ما تتخيلي وصدقيني مش هقدر أحب حد زي ما حبيبتك ولا هقدر أقرب من أي واحده بعدك أبدا بس هي أمي إللي ربتني وكبرتني وليها أفضال عليا مقدرش أنكرها أبدا سكت ونطقها بدموع وقهره إنت طالق يا مريم طالق
عارفة إنكوا هتقولوا عليا مجن ونة بس إللي عملته إني إبتسمت ليه ودموعي بتنزل متتأسفش هي أصلا كانت دي نهايتها بس إحنا إللي كنا بنقاوح وأنا حقيقي فخورة بإختيارك جدا وفخورة إني حبيتك يا يوسف لو كنت إخترتني أنا مكنتش هعرف آمن علي حياتي معاك تاني بصيت لتحيه وكملت وأنا لسة مبتسمة عرفتي تربي والله يا طنط تحية أحيكي علي التربية دي علي الرغم إنك دوستي علي قلب إبنك بس هو إختارك بردوا أحيي تربيتك حقيقي وسقفتلها و بصيت ليوسف لآخر مره مليت عيني بملامحه وهيئته إللي هتحرم منها طول عمري وسيبت البيت ومشيت وسيبت قلبي هناك.....
لقد هزمتنا الأزمات يا رفيق الفؤاد وبقيت أنا وإنت أغراب بعد ما كنا أحباب
للأسف كمية حالات الطلا ق إللي حصلت بسبب تدخل الأم في حياة إبنها ومراته كتيييره جدا وكل دا ليه عشان مستكتراه علي مراته أو بتخبه لدؤجة انها مش عايزة حد يشاركها فيه فياريت لو عندنا إبن أو بنت وناوين نجوزهم يعني بلاش نتدخل في حياتهم ولادك مش أغلي من ولاد الناس يا بيه زي ما بتحافظ علي ولادك
حط في حسبانك ولاد
 الناس إللي بتجوزهم عيالك وياريت تسيب مساحة للحياة ومش كل كبيرة او صغيرة نتحشر فيها دي حياتهم هما مش حياتنا إحنا وإحنا ملناش حق في خرابها 
رأيكم
الاسكريبت مستوحي من احداث حقيقية
بقلم شهد محمد موسي
إسكريبت حماتي خربت حياتي