سكريبت من حواديت بتول وأمير ( 1 ) كامل للكاتبة ميرنا ناصر
انت في الصفحة 1 من 5 صفحات
مساء الخير.
بصيت له بإستغراب ومردتش عليه
معتقدش إنك مستنية حد.
بصيت له بعصبية
_ أحنا مش هنخلص بقى حضرتك تعرفني
لا بصراحة.
_في ما بينا أصحاب مشتركين
لا برضو.
_الكورنيش دا تمليك بإسمك وانا تعديت أملاك الغير
لا برضو.
_ أومال قارفني ليه
ايه ماسورة الدبش اللي اتفتحت من ملامح هادية دي.
_ اصل مش خنقة في معاهم وخنقة هنا انا هروح فين منكم.
_ هما كل الرجالة كدا أصلا.
في ايه ياستي.
_ وبعدين يعني فيها ايه لما يعبرني ها
مين ده.
_ سي زفت سليم.
سليم!
_ تخيل يا... مش مهم إسمك تخيل يعجب ب رنا اللي كل شوية تهزقه وأنا لاء وبعاملة بمنتهي الإحترام .
معندهوش نظر.
_ أصلا انا مش بحبه.
اصلا أومال انت متضايقة ليه
_ علشان محبتش لحد دلوقت أنا اصلا سليم دا مش التايب بتاعي بس أنا مخڼوقة ومنظري زفت.
_ فيك من يكتم السر.
عيب عليك يا... مش مهم إسمك دا احنا عشرة 9دقائق.
_ لا دا 9 دقائق أمان معروفة.
طيب ايه السر
_ انا كذابة.
بص ليا بإستغراب
_ متستغربش أنا كذابة والله حكيت للشلة بتاعتي إني بحب واحد في الشغل اسمه سليم وإننا بڼموت في بعض.
_ ولا قبلين في واحده صاحبتي اسمها سهام اللي منها لله كتبت إمبارح في جروب الشلة إننا نتجمع كلنا مع اللي بنحبهم مع بعض ونطلع لإن النهاردة الڤلانتين.
فين المشكلة
_بقولك أنا كذبت كذبت.
ياستي عرفت إنك كذابة ربنا يسامحك ويغفر لك.
_ يا اسمك ايه افهم.
إسمي أمير صلاح إبراهيم محامي.
_ ياعم وانا هطلع لك بطاقة . ركز معايا بس
رنا بتاعت سليم الحقيقي.
_ الله ينور عليك يا.. مش مهم.
أمير ياستي.. طيب وبعدين سهام عرفت رنا إزاي
_ سؤال لطيف يا أمير سهام جات الشركة هي وخطيبها من فترة علشان يشوفوا شقة ليهم.
شغالة في شركة عقارات بالتأكيد
_ اسم الله عليك يا أبو المفهوميه.
عيب عليك كملي.
_ كنت أنا غايبة يومها من الشغل إتصدمت إن رنا إتعرفت على سهام وأخدوا أرقام بعض وكل ده محدش فيهم حكالي
قصدك إن سهام سألت رنا فين سليم حبيبك ف رنا إتصدمت وقالت لها مفيش غير سليم واحد في الشغل اللي هو حبيبها وكدا سهام كشفت اللعبة!
_ سهام حكيت لك صح
سهام مين ياستي انا لسه عارفك حالا.. هعرف سهام منين.
_ ايوة صح بس براڤو عليك انت شاطر خالص وذكي.
مش بقولك عيب عليك.
بالتأكيد فضحتك.. لفت على واحدة واحدة في الشلة وقالت لهم إنك كدابة.
_ انت صاحب خطيب سهام صح.
يووه بقى ياستي والله ما أعرف مين سهام اللي ړعباك دي.
_ أصل انت بتحكي اللي حصل بالظبط.
المهم وبعدين
_ أكيد كتبت إن تجمع بنات الشلة مع خطابهم وحبايبهم علشان عارفة ومتأكده إني مش هاجي فتأكدلهم وتمسك في سيرتي وأبقى محتوى اليوم النهاردة بدال الڤلانتين.
هو الميعاد ده الساعة كام
_ الساعة سبعة .
ودلوقت الساعة سبعة يلا بينا.
_ يلا بينا على فين
على تجمع سهام الصفرا.
_ بقولك مفيش سليم وسليم الحقيقي أكيد معزوم مع رنا.. وهياخدوني محتوى وتقولي يلا بينا.
انا سليم.
_ انت أمير صلاح إبراهيم فوق.
افوق من ايه يابنتي أنا سکړان أنا قصدي إني همثل دور سليم.
_ انت دماغك مالها
